مطحون ابو المطاحن مستحمل والازمة الاقتصادية

Admin المساهمات : 1896 تاريخ التسجيل : 04/02/2014

ما تيجوا نبعد شوية عن القرارات ونعيش مع عالمنا المسكين

مطحون أبو المطاحن مستحمل و(الأزمة الأقتصادية )

غلا ..غلا ...
الغريبة إن الغلا هنا بس
كل حاجة رخصت في العالم إلا هنا
العجيبة كمان إن عقولنا بقت في شنط (الزبالة ).
يعني عبي ورمي !!

السرقة يا جماعة كترت .النهاردة الحرامي
يخبط كدا عيني عينك .... فتحت يخش
ما فتحتش يكمل هو الفتح

ربنا يستر علينا وماتوصلش للمجاعة
ونبقى زي حبايبنا ... بتوع الصومال
دول حتى والله كمان اللحم بقى عندهم منطور في كل حتة
ههههههههه!!

هقوم اخد الدوش بتاعي ...وفطوري المعتاد الكباب الشعبي
وحبيات الفول المزهرة بالزيت الحار

وبعد برهة من الزمن

ألبس وأنزل اعدي على عم (تعريفة )
اقرا عنده الجرايد بتاعت النهاردة أهو نطقس على
العالم ونشوف اخبرهم !!
مطحون : السلام عليكم ياعم (تعريفة )
تعريفة : عليكم السلام يا يا يا مطحـــــــون
مطحون : أيه اخبارك ..احوالك ..صحتك
تعريفة : أخباري زي كل يوم ..الأنترنت اكل الجو
أحوالي بقت لا تسر عدو ولا حبيب ..صحتي بقت
في النازل ..بس نحمده
مطحون : ماتقولش كدا يا راجل ياطيب لسه الدنيا بخير
و(خير مع سلامة ..بس سلامة مات ) !!
تعريفة : خد اقرا اخبار النهاردة وسمعني
مطحون : بس كدا يا سلام من عيوني
بس يا سيدي ...( شراء اللاعب البرازيل ..شوطه قبل مايشوطك )
إلى نادي كبير ...بمبلغ أأأأأأأ ..مليا ر يورو
تعريفة : بتقول كام يا مطحون كام ؟!
مطحون : مليا ر ..يا خبر العالم كله في ازمة مالية
ودا رايح يجيب لعيب بمليا ر ..تصور ..تصور
تعريفة : أصحاب العقول في راحة يا أبني والله
زمان كان في لعيب عندنا هنا أنتقل بمليون جنية .. الدنيا يومها اتقبلت
شوف النهاردة ... سبحان الله .
مطحون : عندك حق والله ياعم تعريفة ..خلينا نكمل
شراء فرو خروف بمبلغ .. عشرة مليار يورو
يا ساتر .. يا ساتر هي الناس حصلها اية فرو خروف ..خروف
تعريفة : الخروف اللى بنكله يا مطحون
مطحون : امال يعني أللي بنشربه يا عم تعريفة
تعريفة : ههههه.. الله يجزيك يا مطحون
كمل بقى ..
مطحون : لا أستأذن انا بقى رايح مشوار كدا
تعريفة : طيب يامطحون ...ربنا يستر طريقك
أية ...حال الدنيا بقى عجيب اوي
مشية بالمشقلب ... مين يعدل الحال !!

مطحون : سبها لله ياعم تعريفة ...سلام بقى

الله أنا كنت رايح والله مافاكر
أيه دا في حاجة هناك غريبة
و(بصوت عالي جدا )

قرب ..قرب ..جرب وشوف
نكسب الخسران ..ونجيب خير زمان

مطحون : نكسب الخسران ..نجيب خير زمان
حاجة غريبة بجد ...لمة وزحمة وأنا الأول
اما أروح أشوف في أيه
و(بعد خطوات )
مطحون : أسمه (عبده تفاريح )دا مش عايش معانا بقى
أما أخش وشوف أيه الموضوع دا

عبده تفاريح : اهلا اهلا ...با لأحباب انا صاحب الألف كتاب
مطحون : الألف كتاب مش فاهم حاجة
عبده تفاريح : يعني البس العريان ... وشبع الجعان
وولد من الفلوس فلوس
مطحون : تلبس ..تشبع.. تولدانت مين ياعم
عبده تفاريح : انا الحكمة والنباغة !!
مطحون : انت فين طيب وريني نفسك
عبده تفاريح : ثواني وكون عندك
(هاء ..هاء ..هاء )
مطحون : ايه دا انت طلعت منين ...وفهميني
عبده تفاريح : أنت سمعت عن الأزمة ..وبلاويها واللي بيجرى فيها
مطحون : أكيد طبعا ...سمعت بس انا ازمة لوحدي
عبده تفاريح : انا بشهيس وبظبط المسأل
مطحون : أها ..فهمت أنت بقى بتاع كله
عبده تفاريح : أيوة أنا بتاع كله !!
تأمر بأية
مطحون : أنا عايز اكل وأشرب والبس ويكون معايا فلوس
عبده تفاريح : يا سلام بس كدا...يا حارس خده التعيس
لغرفة الكوابيس
مطحون : حارس كوابيس أيه ياعم انت
عبده تفاريح : خلوه يشوف الزمن اللي جاي

(وبعده فترة طويلة ..يخرج مطحون والدموع تاكل العيون )

مطحون : لا لا مش ممكن اللي أنا شوفته دا ..فظيع فظيع
آه آه ... الناس بتاكل في بعض ..بيموته بعض
على اللقمة الأبن معتش عارف أبوه ولا امه
الناس بتبيع أطفلها علشان الشبع ..آه آه

عبده تفاريح : شوفت أزاي الزمن هيتغير
والقلوب هتبقى حجر فاق الصوان
مطحون : شوفت أيوة شوفت ..وياريتني ماكنت شوفت
عبده تفاريح :الأنسانية اتعدمت ..الصبر اتخنق
الضمير مات وشبع موت
مطحون : من أزمة يحصل كل دا ...نقتل في بعض عشان القوت
عبده تفاريح : اديك شوفت ...كل أصناف الهموم
مطحون : شوفت ..شوفت ربنا ينجينا من اللي جاي
عبده تفاريح : سلام يا انسان
مطحون : انت مين ماقولتش ؟
عبده تفاريح : انا الضمير اللي لسه مامتش

وادي الحال أسترها يارب